SSMB29పై దర్శక ధీరుడి మౌనం దేనికి సంకేతం?

SSMB29

SSMB29 : మొన్న మహేశ్ బాబు 1990 నాటి సినీ తారలను గుర్తుకు తెచ్చే పొడవాటి జుట్టుతో తన లుక్ తో సంచలనం సృష్టించాడు. దీన్ని ఆడిడాస్ టోపీ కింద దాచే ప్రయత్నం చేసినప్పటికీ, మే 13న ఆయన ఓటింగ్ సందర్భంగా నాటకీయమైన మార్పును అభిమానులు గమనించారు. సింపుల్ బ్లూ టీషర్ట్, జీన్స్ ధరించి, మందపాటి గడ్డం, పొడవాటి జుట్టుతో #SSMB29 నుంచి ఏం ఆశించాలో చూపించారు.

ప్రస్తుత సమాచారం ప్రకారం #SSMB29 షూటింగ్ 2024 ఆగస్టులో ప్రారంభం కావాల్సి ఉంది, అయితే దీనిపై స్పష్టత లేదు. అడ్వెంచర్ అండ్ యాక్షన్ థ్రిల్లర్ గా తెరకెక్కుతున్న ఈ సినిమాలో మహేష్ ఇండియానా జోన్స్ తరహా పాత్రలో ప్రపంచ స్థాయిలో కనిపించనున్నాడు. కె.ఎల్.నారాయణ ఈ చిత్రాన్ని నిర్మించనున్నారు.

లెజెండరీ డైరెక్టర్ రాజమౌళి కూడా సూపర్ స్టార్ మహేష్ తో చేయబోయే సినిమా గురించి ఒక్క మాట కూడా మాట్లాడడంలేదు. ఇటీవల బాహుబలి యానిమేషన్ సిరీస్ గురించి మాట్లాడుతూ #SSMB29 గురించి ప్రశ్నించగా దర్శకుడు చిరునవ్వుతో సమాధానమిచ్చాడు. అయితే మహేష్ మాత్రం ఈ సినిమా గురించే తన లుక్స్ ను మార్చుకుంటున్నట్లు సంకేతాలు ఇస్తూనే ఉన్నాడు.

ఇప్పటికే స్క్రిప్ట్ పూర్తయిన ఈ సినిమాకు సంబంధించి ప్రీ ప్రొడక్షన్ పనులు కూడా ప్రారంభమైనట్లు తెలుస్తోంది. నటీ నటుల ఎంపిక కొనసాగుతుందని, మహేశ్ బాబు సరసన దీపికా పదుకోన్ నటించే అవకాశం ఉందని తెలుస్తోంది. కానీ ఈ విషయాలను మాత్రం రాజమౌళి ప్రకటించడం లేదు. #SSMB29 ఉందా? అన్న సందేహాలను రాజమౌళి కలిగిస్తున్నారని కొందరు సినిమా జర్నలిస్టులు అనుమానం వ్యక్తం చేస్తున్నారు.