Adikesava Trailer Talk : ఆదికేశవ ట్రైలర్ టాక్ : ప్రేమ నుంచి పగ వరకూ వైష్ణవ్ కసి మామూలుగా లేదు

Adikesava Trailer Talk

Adikesava Trailer Talk : మెగా ఫ్యామిలీ నుంచి వచ్చిన వైష్ణవ్ తేజ్ మొదటి సినిమాతోనే వంద కోట్లు కొల్లగొట్టాడు. అప్పటి నుంచి భారీ హిట్ కోసం మళ్లీ ప్రయత్నాలు చేస్తూనే ఉన్నాడు. ఇప్పటికే చేసిన రెండు సినిమాలు పెద్దగా సక్సెస్ కాలేదు. దాంతో ఇప్పుడు ఆదికేశవ సినిమా మీదనే తన ఆశలు మొత్తం పెట్టుకున్నాడు ఈ కుర్ర హీరో. శ్రీకాంత్ రెడ్డి దర్శకత్వంలో వస్తున్న ఈ మూవీ కోసం అంతా ఎదురు చూస్తున్నారు.

ఇప్పటికే ఈ మూవీ ట్రైలర్ రెండు సార్లు వాయిదాలు పడుతూ వచ్చింది. కానీ సడెన్ గా నేడు విడుదల చేశారు మూవీ టీమ్. నవంబర్ 24న సినిమా రిలీజ్ అయ్యేందుకు రెడీ అవుతోంది. ఈ క్రమంలోనే వచ్చిన ట్రైలర్ లో రెండు కోణాలు చూపించాడు వైష్ణవ్ తేజ్. ట్రైల్ మొదటి భాగం మొత్తం శ్రీలీలతో పాటలు, లవ్, రొమాన్స్ అంటూ చాలా కూల్ గానే సాగిపోయింది.

అయితే రెండో భాగంలోనే అసలు కోణాన్ని చూపించారు. ఇది ఫుల్ యాక్షన్ మోడ్ లో వచ్చిందని ఇందులో వైష్ణవ్ తేజ్ రోల్ చూస్తుంటేనే అర్థం అవుతోంది. ఆయన వరుసగా ఇందులో తన మాస్ యాంగిల్స్ ను చూపించాడు. ప్రత్యర్థులపై విరుచుకుపడే సమయంలో ఆయన ఫుల్ యాక్షన్ మోడ్ లో కనిపించి తనలోని కసిని మరోసారి చూపించాడనే చెప్పుకోవాలి.

ఇందులో ఆయన విలన్స్ తో పోరాడే సమయంలో తనలోని కసిని మొత్తాన్ని చూపించాడు. అంతే కాకుండా తనకున్న మాస్ యాంగిల్ ను పరిచయం చేస్తూ కుర్రాళ్లకు కావాల్సిన మాస్ పల్స్ ను తన సినిమాలో చూపించేందుకు రెడీ అవుతున్నాడని తెలుస్తోంది. ఇప్పటి వరకు లవ్ ట్రాక్, ఫ్యామిలీ ట్రాక్ సినిమాతో సరిపెట్టిన మనోడు.. ఈ సారి మాస్ ప్రేక్షకుల కోసం వస్తున్నట్టు అర్థం అవుతోంది.