Nagababu : పవన్ కళ్యాణ్ కు ప్రేమతో ఓటేశారు: నాగబాబు

Nagababu

Nagababu : జనసేన అధినేత, ఎన్డీయే కూటమి అభ్యర్థి పవన్ కళ్యాణ్ కు పిఠాపురం నియోజకవర్గంలో ఓటర్లంతా ప్రేమతో ఓటేశారని ఆ పార్టీ ప్రధాన కార్యదర్శి నాగబాబు అన్నారు. ఉదయం నుంచి రాత్రి వరకు ఎండను కూడా లెక్క చేయకుండా క్యూలైన్లలో బారులు తీరి తమ అభిమాన నేతను గెలిపించుకునేందుకు ఓటు వేసినందుకు జనసేన తరపున ఆ పార్టీ ప్రధాన కార్యదర్శి నాగబాబు కృతజ్ఞతలు తెలిపారు. ఈ మేరకు ఓ లేఖను విడుదల చేశారు.

పిఠాపురం నియోజకవర్గంలో ఓటర్లు మునుపెన్నడూ లేని విధంగా రాత్రి పదింటి వరకు క్యూలైన్లలో నిలబడి తమ ఓటు హక్కును వినియోగించుకున్నారని పేర్కొన్నారు. అభిమానంతో ఓటు వేయడం వేరు.. ఇష్టంతో ఓటు వేయడం వేరు.. పిఠాపురం నియోజకవర్గం ఓటర్లుచ పవన్ కు ప్రేమతో ఓటు వేశారని  తెలిపారు. పిఠాపురం ఎమ్మెల్యే అభ్యర్థిగా పవన్ కళ్యాణ్  పేరు ప్రకటన వెలువడిన మరుక్షణం నుంచి నేటి వరకు అలుపెరుగని పోరాట పటిమతో పని చేసిన ప్రతి ఒక్కరికి పేరు పేరునా కృతజ్ఞతలు తెలిపారు.