YVS Chowdhary : కుటుంబ సభ్యులతో సహా గుడివాడలో ఓటేసిన వైవీఎస్ చౌదరి
YVS Chowdhary
YVS Chowdhary : తెలుగు వారికి వైవీఎస్ చౌదరి గురించి పెద్దగా పరిచయం అవసరం లేదు. తెలుగు సినిమాపై ఆయన తన ముద్రను వేశారు. భారీ సినిమాలను ఆయన నిర్మించారు. అతిపెద్ద సినిమా అంటే వైవీఎస్ చౌదరి ప్రొడక్షన్ హౌజ్ నుంచే వచ్చేది. ఇదంతా పక్కన ఉంచితే ఆయన పుట్టిన గుడివాడలో ఓటు హక్కను వినియోగించుకున్నారు. దీనికి సంబంధించి ఆయన తన పిక్ ను సోషల్ మీడియా ఖాతాల్లో అప్ లోడ్ చేశారు. ప్రతీ ఒక్కరూ ఓటు వేయాలని కోరిన ఆయన ఓటుతో ప్రజాస్వామ్యాన్ని రక్షించవచ్చన్నారు. ఇంకా ఆయన ఏమన్నారంటే?
నేను గుడివాడలో పుట్టాను, అక్కడ పెరిగాను, అక్కడ చదువుకున్నాను, అక్కడ వ్యాపార, వ్యవహారాలను కొనసాగిస్తున్నాను. ఈరోజు (13 మే 2024) మన రాష్ట్ర మరియూ దేశ అసెంబ్లీ & లోక్‌సభ ఎన్నికల సందర్భంగా.. నేను, నా భార్య ‘యలమంచిలి గీత’ సమేతంగా మా విలువైన ఓటుని.. నా సొంత ఊరైన గుడివాడలో వినియోగించుకున్నాము.
నేను మా గుడివాడలోని ఏ హైస్కూల్‌లో అయితే 8వ, 9వ, 10వ తరగతులు చదువుకున్నానో.. అదే ‘టౌన్‌ హైస్కూల్’లో నా ఓటుని వినియోగించుకోవాల్సిరావడమనేది ఒక యాదృశ్చికమే అయినా.. ఈ ఎన్నికలు మన రాష్ట్రానికి అత్యంత ప్రతిష్ఠాత్మకమైనవి కాబట్టి, ఈ చారిత్రక ఘట్టంలో నేనూ, నా శ్రీమతి, మా ఇద్దరి ఓట్లు, నా ‘టౌన్‌ హైస్కూల్’ భాగస్వామ్యులమైనందులకు నాకెంతో ఆనందంగానూ, గర్వంగానూ ఉంది.