Rain Alert : నేడు తెలంగాణ జిల్లాల్లో వర్షాలు

Rain Alert in Telangana

Rain Alert : తెలంగాణకు వాతావరణ శాఖ రెయిన్ అలర్ట్ జారీ చేసింది. నేడు పలు జిల్లాల్లో వర్షాలు కురుస్తాయని తెలిపింది. ఉరుములు, మెరుపులతో పాటు తీవ్ర ఈదురుగాలులతో కూడిన వర్షాలు పడతాయని హెచ్చరించింది. గత రెండు రోజులుగా రాష్ట్రంలో వర్షాలు కురుస్తుండగా నేడు కూడా వర్షాలు కురిసే అవకాశముందని వాతావరణ శాఖ అధికారులు తెలిపారు.

తమిళనాడులో ద్రోణి ఏర్పడి అది తెలుగు రాష్ట్రాలపై బలంగా విస్తరించిందని అధికారులు వెల్లడించారు. దీంతో రాష్టంలో వర్షాలు కురుస్తాయని తెలిపారు. పలు జిల్లాల్లో తేలికపాటి నుంచి మోస్తరు వానలు పడతాయని వాతావరణ శాఖ అంచనా వేస్తోంది. గంటకు 40 నుంచి 50 కి.మీ. వేగంతో ఈదురుగాలులు కూడా వీస్తాయని పేర్కొంది.

నేడు యాదాద్రి, నల్గొండ, సూర్యాపేట, ఖమ్మం, కొత్తగూడెం, అసిఫాబాద్, మంచిర్యాల, రంగారెడ్డి, మహబూబ్ నగర్, నాగర్ కర్నూల్, వికారాబాద్, హైదరాబాద్, మేడ్చల్ జిల్లాల్లో వర్షాలు కురిసే అవకాశం ఉన్నట్లు వాతావారణ శాఖ అధికారులు వెల్లడించారు.