SRH Vs LSG : లక్నో, సన్ రైజర్స్ మధ్య కీలక పోరు

SRH Vs LSG

SRH Vs LSG : లక్నో సూపర్ గెయింట్స్, సన్ రైజర్స్ మధ్య ఉప్పల్ స్టేడియంలో బుధవారం సాయంత్రం కీలక పోరు జరగనుంది. ఇరు జట్లు ఇప్పటి వరకు 11 మ్యాచులు ఆడగా.. 12 పాయింట్లతో సమంగా ఉన్నాయి. నెట్ రన్ రేట్ కాస్త మెరుగ్గా ఉండటంతో సన్ రైజర్స్ నాలుగో స్థానంలో కొనసాగుతుండగా.. లక్నో ఆరో స్థానంలో ఉంది. ఢిల్లీ, ఆర్సీబీ కూడా ప్లే ఆప్ రేసులోకి రావడంతో ఈ మ్యాచ్ గెలవడం రెండు జట్లకు కీలకంగా మారింది.

ఉప్పల్ లో మ్యాచ్ జరగడం సన్ రైజర్స్ కు కలిసొచ్చే విషయం. హోం గ్రౌండ్ లో ఎలాగైనా గెలిచి ప్లే ఆఫ్ అవకాశాలు మెరుగు పరుచుకోవాలని ఆరెంజ్ ఆర్మీ భావిస్తోంది. అభిషేక్ శర్మ, క్లాసెన్ రాణించాలని కోరుకుంటోంది. బౌలింగ్ లో భువీ రాజస్థాన్ రాయల్స్ మ్యాచ్ లో లాగా తన సత్తా చూపిస్తే.. మిగతా బౌలర్లు కూడా రాణించే అవకాశం ఉంటుంది.

లక్నో బ్యాటింగ్ డికాక్, పూరన్, స్టోనియిస్ లాంటి స్టార్ బ్యాట్స్ మెన్ లు ఉన్నా.. సమయానికి సరిగా రాణించడం లేదు. దీంతో కెప్టెన్ కేఎల్ రాహుల్ పైనే భారం పడుతోంది. బౌలింగ్ మోసిన్ ఖాన్, యశ్ ఠాకూర్ మెరుగ్గా రాణిస్తేనే సన్ రైజర్స్ ను హోం టీంలో కట్టడి చేయొచ్చు. లేకపోతే ఈ సీజన్ లో ఇప్పటికే 250 పైగా ఫ్లస్ స్కోరు చేసి ప్రత్యర్థి జట్లను బెంబెలేత్తించిన ఆరెంజ్ టీంను కట్టడి చేయడం కష్టం.

ఈ మ్యాచ్ లో  సన్ రైజర్స్ బ్యాటింగ్ లో తిరిగి ఫామ్ అందుకోవాలని భావిస్తోంది. ఈ సారి ఎలాగైనా కప్పు కొట్టాలని భావిస్తున్న టీం కమిన్స్, హెడ్ లను తీసుకున్న విషయం తెలిసిందే. లక్నో ను మట్టి కరిపిస్తే పాయింట్స్ టేబుల్స్ లో మూడో స్థానానికి చేరుకోవచ్చు. దీంతో పాటు నెట్ రన్ రేట్ కూడా మెరుగు పడుతుంది. లేకపోతే ఢిల్లీ, లక్నో  ముందడుగు వేసే అవకాశాలు ఉన్నాయి