TDP Flag : హిమనగంపై పసుపు జెండా రెపరెపలు.. అత్యంత పెద్ద వయస్సులో టీడీపీ అభిమాని రికార్డు..వైరల్ వీడియో

TDP Flag : ఎన్టీఆర్ టీడీపీని ఏ ముహూర్తాన ప్రారంభించాడో గాని తెలుగు దేశం అంటే ప్రాణాలిచ్చే లక్షలాది వీరాభిమానులను సొంతం చేసుకుంది. పార్టీ రక్షణలో భాగంగా పగ్గాలు చంద్రబాబు నాయుడి చేతిలోకి వచ్చాక టీడీపీ ప్రభావం మరింత పెరిగింది. మూడు టర్మ్ లు సీఎంగా చేసిన చంద్రబాబు నాయుడు అంటే తెలుగు ప్రజలకు ఎంతో అభిమానం. అది ప్రతీ చోట వ్యక్తమవుతూనే ఉంటుంది. 2019 ఎన్నికల్లో అనూహ్యంగా అధికారం కోల్పోయిన చంద్రబాబు విలువ, పాలన అంటే ఏంటో ఆంధ్రా జనాలకు ఇప్పటికే తెలిసివచ్చింది. అందుకే జగన్ అరాచక పాలన పోవాలి.. చంద్రబాబు రావాలి అని ప్రతీ ఒక్కరూ కోరుకుంటున్నారు.

తాజా ఎన్నికల సందర్భంగా సోషల్ మీడియాలో ఓ వీడియో తెగ వైరల్ అవుతోంది. మరోసారి చంద్రబాబు సీఎం కావాలనే ఉద్దేశంతో ఓ వృద్ధుడు చేసిన సాహసాన్ని మెచ్చుకోవాలి. వాస్తవానికి ఆ వీడియో ఇప్పటిది కాదు. అయినా కూడా అప్పుడే ఏపీకి చంద్రబాబు సీఎం కావడం ఎంత అవసరమో ఆయన చక్కగా వివరించారు. అందుకే ఆ వీడియో ఇప్పుడు సోషల్ మీడియాలో హల్ చల్ చేస్తోంది.

2022 అక్టోబర్ లో 80 ఏండ్ల వయస్సులోనూ టీడీపీ వీరాభిమాని గింజుపల్లి శివప్రసాద్ అనే వృద్ధుడు 5000 మీటర్ల ఎత్తు ఉన్న ఎవరెస్ట్ బేస్ క్యాంపుపైకి చేరుకుని టీడీపీ జెండాను రెపరెపలాడించాడు. తద్వారా ఎవరెస్ట్ బేస్ క్యాంప్ అధిరోహించిన అత్యంత పెద్ద వయస్కుని గా ఇండియన్ బుక్ ఆఫ్ రికార్డ్స్ లో స్థానం సంపాదించారు. అక్కడి నుంచే చంద్రబాబు గెలుపు అవసరాన్ని వివరిస్తూ సందేశం ఇచ్చారు. దార్శినికుడు, రాష్ట్రాన్ని సక్రమంగా పరిపాలించగలిగే నాయకుడైన చంద్రబాబును మళ్లీ ఏపీ సీఎంగా గెలిపించాలని పిలుపునిచ్చారు. ఈ సందర్భంగా ఆయన్ను అధినేత చంద్రబాబు నాయుడు, జాతీయ ప్రధాన కార్యదర్శి లోకేశ్ అభినందించారు.  శివప్రసాద్ ఆకాంక్షను ఏపీ ప్రజలు స్ఫూర్తిగా తీసుకోవాలని ప్రస్తుత ఎన్నికల సందర్భంగా టీడీపీ శ్రేణులు ఈ వీడియోను షేర్ చేస్తున్నాయి.