Hyderabad : పబ్ పై దాడి.. పోలీసుల అదుపులో 160 మంది

Hyderabad

Hyderabad : హైదరాబాద్ లోని బంజారాహిల్స్ రోడ్డు నంబర్ 14లోని ‘ఆఫ్టర్ నైన్’ పబ్ పై శనివారం అర్ధరాత్రి తర్వాత పశ్చిమ మండల టాస్క్ ఫోర్స్ పోలీసులు దాడులు నిర్వహించారు. నిబంధనలకు విరుద్ధంగా సమయం దాటిన తర్వాత పబ్ కొనసాగుతుండడంతో దాడి చేసినట్లు పోలీసులు తెలిపారు.

కస్టమర్లను ఆకర్షించేందుకు వివిధ రాష్ట్రాలకు చెందిన 40 మంది యువతులతో నిర్వాకులు అసభ్యకరమైన డాన్స్ లు చేయిస్లున్నట్లు తెలిపారు. బంజారాహిల్స్ పోలీసులు పబ్ పై కేసు నమోదు చేశారు. 160 మంది యువతీ యువకులను అదుపులోకి తీసుకున్న పోలీసులు వారిని పోలీస్ స్టేషన్ కు తరలించారు.

41ఏ సీఆర్పీసీ కింద వారికి నోటీసులు జారీచేసి వివరాలు సేకరించి పంపివేశారు. యువతులపు మహిళా పునరావాస కేంద్రానికి తరలిస్తామని పోలీసులు తెలిపారు.