Lottery : క్యాన్సర్ బాధితుడికి లాటరీలో రూ.10 వేల కోట్లు

10,000 Crores Lottery

Lottery : క్యాన్సర్ తో బాధపడుతున్న ఓ వ్యక్తకి లాటరీలో ఏకంగా రూ. 10 వేల కోట్లు గెలుచుకున్నాడు. పవర్ బాల్ లాటరీ గేమ్ లో భారీ జాక్ పాట్ ను అతను సొంతం చేసుకున్నాడు. లావోస్ కు చెందిన చెంగ్ సైఫాన్ (46) కొన్నాళ్ల క్రితం అమెరికాకు వలసవచ్చారు.

ఆయన కొన్నేళ్లుగా క్యాన్సర్ తో బాధపడుతున్నారు. గత ఎనిమిది సంవత్సరాలుగా కీమో థెరపీ చేయించుకుంటున్నారు. ఈ క్రమంలోనే తన అదృష్టాన్ని పరీక్షించుకునేందుకు పవర్ బాల్ లాటరీలో చెంగ్ టిక్కెట్లు కొనుగోలు చేశారు. డ్రాలో ఆయన కొన్న ఒక టికెట్, మొత్తం ఐదు నంబర్లతో సరిపోలిందని, దీని విలువ 1.3 బిలియన్ డాలర్లు (రూ.10 వేల 842 కోట్లకు పైగా) అని లాటరీ నిర్వాహకులు తెలిపారు.

లాటరీలో ఇంత భారీ మొత్తాన్ని గెలుచుకోవడంపై చెంగ్ సైఫాన్ సంతోషం వ్యక్తం చేశారు. టికెట్లు కొనేందుకు సాయం చేసిన తన భార్య, స్నేహితుడితో కలిసి ఈ డబ్బు పంచుకుంటానని ఆయన తెలిపారు. మెరుగైన చికిత్సకు వినియోగిస్తానంటూ పేర్కొన్నారు. ట్యాక్స్ లో భాగంగా 422 మిలియన్లు తగ్గించి మిగిలిన మొత్తాన్ని లాటరీ నిర్వాహకులు అతనికి చెల్లిస్తారు.