Prabhas-IPL : ఐపీఎల్ లో ప్రభాస్ ఎంట్రీ.. నెక్ట్స్ లెవెల్‌
Prabhas Entry in IPL
Prabhas-IPL : పాన్ ఇండియా స్టార్ ప్రభాస్, బిగ్ బీ అమితాబ్ బచ్చన్, వెర్సటైల్ యాక్టర్ కమల్ హాసన్, దీపిక పదుకొణె వంటి భారీ స్టార్ కాస్టింగ్ తో నాగ్ అశ్విన్ పాన్ వరల్డ్ రేంజ్ తీస్తున్న సినిమా. కల్కి 2898 ఏడీ.
ఈ సినిమాకు సంబంధించి ఇటీవల రోజుకో అప్ డేట్ వస్తున్నది. కల్కి కోసం దర్శకుడు నాగ్ అశ్విన్ కొత్త ప్రపంచాన్ని క్రియేట్ చేశాడు. ఇప్పటికే బిగ్ బీ అమితాబ్ బచ్చన్ పాత్రకు సంబంధించిన గ్లింప్స్ అందరినీ ఆకట్టకుంటున్నాయి. అశ్వత్థామగా యంగ్ అమితాబ్ క్యారెక్టర్ ను చూపించడంతో బాలీవుడ్ సైతం బిగ్ బీ లుక్ చేసి ఆశ్చర్యపోతున్నది. వృద్ధుడిగా, యువకుడిగా రెండు పాత్రల్లో అమితాబ్ కనిపించడంతో సినిమాపై అంచనాలు మరింత పెరిగాయి. ఇక ఇప్పుడు రెబల్ స్టార్ ప్రభాస్ పాత్రకు సంబంధించిన భైరవ అప్డేట్ కూడా వచ్చింది.
ఐపీఎల్ మ్యాచ్ జరుగుతుండగా మధ్యలో రెబల్ స్టార్ ప్రభాస్ కనిపించాడు. అది కూడా కల్కి లోని భైరవ లుక్ లో. ఐపీఎల్ యాడ్ మాదిరిగా ఉన్న ఈ వీడియోలో ప్రభాస్ లుక్ చూసి ఫ్యాన్స్ ఖుషీ అవుతున్నారు. ప్రభాస్ మేకోవర్ అదిరిపోయిందంటూ అభిమానులు కామెంట్లు పెడుతున్నారు.
ప్రభాస్ అభిమానులు ఈ యాడ్‌ని చూసి ఎగ్జైట్ అవుతున్నారు. ముంబై -లక్నో మ్యాచ్ మధ్యలో సడెన్‌గా రెబల్ స్టార్ కనిపించడం, అది కూడా భైరవ లుక్ లో దర్శనిమవ్వడంతో సోషల్ మీడియాలో ఈ వీడియో వైరల్ గా మారింది. అయితే డార్లింగ్ ఫ్యాన్స్ మాత్రమే కాకుండా మిగిలిన వారంతా భైరవ పాత్రకు సంబంధించిన గ్లింప్స్ ఇస్తారని, అశ్వత్థామ పాత్రను పరిచయం చేస్తూ అమితాబ్‌ను చూపించినట్లుగా ప్రభాస్‌ను చూపిస్తారని ఆశించిన వారికి కొంత నిరాశే ఎదురైంది.
ఇలా ప్రభాస్‌తో యాడ్‌లా చేయించిన ప్లానింగ్ కూడా బాగుందంటున్నారు ఫ్యాన్స్. నాగ్ అశ్విన్ మార్కెటింగ్ టెక్నిక్ కూడా బాగుందని డార్లింగ్ ఫ్యాన్స్ సోషల్ మీడియాలో పోస్ట్ లు పెడుతన్నారు. అయితే ముందుగా అనుకున్న తేదీ ప్రకారం ఈ మూవీ మే 9న రావాల్సి ఉండగా, ఎన్నికల కారణంగా జూన్ 27న ప్రపంచ వ్యాప్తంగా విడుదల చేస్తామని మేకర్స్ ప్రకటించారు.