Actor Raghu Babu : నటుడు రఘుబాబు కారు ఢీకొని ఒకరి మృతి – మృతుడు బీఆర్ ఎస్ నేత

Actor Raghu Babu

Actor Raghu Babu : నల్గొండ బైపాస్ రోడ్డుపై ఘోర ప్రమాదం జరిగింది.  నటుడు రఘుబాబు ప్రయాణిస్తున్న కారు బైక్ ను ఢీకొట్టడంతో బైక్ పై నున్న వ్యక్తి అక్కడికక్కడే మృతి చెందాడు. మృతుడు బీఆర్ ఎస్ నల్గొండ పట్టణ ప్రధాన కార్యదర్శి సందినేని జనార్ధనరావుగా పోలీసులు గుర్తించారు. ఈ ప్రమాదంపై కేసు నమోదు చేసుకుని పోలీసులు దర్యాప్తు చేస్తున్నారు.

నల్గొండ పట్టణంలోని శ్రీనగర్ కాలనీలో నివాసముంటున్న సందినేని జనార్దన రావు (51) బీఆర్ ఎస్ పట్టణ కార్యదర్శిగా పనిచేస్తున్నారు. బుధవారం మధ్యాహ్నం ఆయన ద్విచక్ర వాహనంపై ఇంటికి వెళ్తుండగా.. అదే సమయంలో నటుడు రఘుబాబు తన కారులో (కెఎ 03 ఎంపి 6914) హైదరాబాద్ నుంచి మిర్యాలగూడ వైపు వెళ్తుండగా ద్విచక్ర వాహనాన్ని ఢీకొట్టంది. ఈ ప్రమాదంలో తీవ్ర గాయాలైన జనార్దన రావు అక్కడికక్కడే మృతి చెందాడు.