Hardik Pandya : హార్దిక్ పాండ్యాకు ఇదే లాస్ట్ చాన్స్?

Hardik Pandya

Hardik Pandya : హార్దిక్ పాండ్యా అతి తక్కువ కాలంలోనే గుర్తింపు తెచ్చకున్నాడు. ఆల్ రౌండర్ గా మ్యాచ్ స్వరూపాన్ని మార్చగల ఆటగాడు అతడు. ప్రతిభ ఉన్నా ఓవర్ ఆటిట్యూడ్ తో విమర్శల పాలవుతుంటాడు. అందుకే సోషల్ మీడియాలో పాండ్యాపై బ్యాడ్ కామెంట్స్ వస్తునే ఉంటాయి. ఇక రోహిత్ ను పక్కనపెట్టి పాండ్యాకు కెప్టెన్సీ అప్పజెప్పడంతో ఇది మరింత పెరిగింది.

వాస్తవానికి హార్దిక్ పాండ్యా మంచి ఆటగాడే అయినప్పటికీ అతడి ఓవర్ యాక్షనే అతడికి బ్యాడ్ ఇమేజ్ తెచ్చింది. ధోనీ, కోహ్లీ, రోహిత్, సచిన్ లాంటి వాళ్లను చూసైనా నేర్చుకోవాల్సింది. కానీ ఏనాడు ఆ పనిచేయలేదు. మ్యాచ్ తర్వాత జరిగే ప్రెస్ మీట్స్ లో పాండ్యా సమాధానాలు కూడా ఓ రేంజ్ లో ఉంటాయి. తన ఆటిట్యూడ్ తో తిక్క తిక్క సమాధానాలు, స్టేట్ మెంట్స్ ఇస్తూ విమర్శలపాలవుతాడు. సీనియర్లకు గౌరవం ఇవ్వరని, ఓవర్ కాన్ఫిడెన్స్ ప్లేయర్ అని కొందరు అభిప్రాయపడుతుంటారు. గాయాల బెడదతో అంతర్జాతీయ మ్యాచ్ లకు దూరమైనా.. ఐపీఎల్ సమయానికి ఫిట్ అవుతాడని కొందరు ఎద్దేవా చేస్తుంటారు.

ఇక ఐపీఎల్ లో తన నేతృత్వం వహిస్తున్న ముంబై ఇండియన్స్ జట్టు ఆడిన మూడు మ్యాచుల్లో ఓడిపోయి పాయింట్ల పట్టికలో చివరి స్థానంలో ఉండిపోయింది. పెద్దగా పేరులేని జట్లు కూడా సత్తా చాటుతూ టాప్ పొజిషన్ లోకి వెళ్తుంటే ఐదు సార్లు కప్ గెలిచినా ముంబై ఇండియన్స్ చూసి పరిస్థితి చూసి ఫ్యాన్స్ ఆవేదన చెందుతున్నారు. దీనికంతటికీ కారణం రోహిత్ ను కెప్టెన్సీ నుంచి అవమానకరంగా తప్పించడమే అంటున్నారు. మూడు మ్యాచ్ ల్లో పాండ్యా ఆటతో పాటు కెప్టెన్ గా నిర్ణయాలు సరిగ్గా లేవు. దీంతో ముంబై ఇండియన్స్ ముఖ్యంగా రోహిత్ ఫ్యాన్స్ పాండ్యాను దారుణంగా ట్రోల్ చేస్తున్నారు.

ఇక జట్టు అధమస్థానంలో ఉండడంపై యాజమాన్యం కూడా గుర్రుగా ఉందట. ఇలాగే ఆడితే ప్రస్తుత సీజన్ లోనే హార్దిక్ పాండ్యాను కెప్టెన్సీ నుంచి తొలగించవచ్చని వార్తలు కూడా వస్తున్నాయి. పాండ్యాకు మరో రెండు అవకాశాలు ఇవ్వాలని యాజమాన్యం భావిస్తోందట. తర్వాత జరిగే 2 మ్యాచ్ ల్లో ముంబై నెగ్గడంతో పాటు వ్యక్తిగతంగానూ రాణించాలని హార్దిక్ కు షరతు విధించిందట. లేదంటే నాయకత్వంలో మార్పులు చేస్తామని చెప్పినట్లు సమాచారం. ఇక రాబోయే రెండు మ్యాచ్ లు ముంబై ఇండియన్స్ తోపాటు పాండ్యాకు కీలకం కాబోతున్నాయి.