MLC Kavita Illness : ప్రచారంలో స్పృహతప్పిన ఎమ్మెల్సీ కవిత.. కింద పడిపోవడంతో శ్రేణుల్లో ఆందోళన

MLC Kavita illness

MLC Kavita illness : తెలంగాణలో మరోసారి గెలిచేందుకు బీఆర్ఎస్ పార్టీ తీవ్రంగా శ్రమిస్తున్నది. హ్యాట్రిక్ విజయం ద్వారా అధికార పీఠమెక్కాలని ఆ పార్టీ ప్రచారం నిర్వహిస్తున్నది. ఆ పార్టీ అధినేత కేసీఆర్ ఇప్పటికే సగం నియోజకవర్గాల్లో ప్రచార సభలను ముగించారు. ఇక కీలక నేతలు  హరీశ్ రావు, కేటీఆర్ కూడా రాష్ర్టంలోని పలు నియోజకవర్గాల్లో రోడ్ షోలు, సభ ల ద్వారా శ్రేణుల్లో ఉత్సాహాన్ని నింపుతున్నారు. ఇక మరో కీలక నాయకురాలు జగిత్యాల, నిజామాబాద్ జిల్లాల్లో ప్రచారాన్ని కొనసాగిస్తున్నారు.

అయితే రెండు రోజులుగా రాష్ర్టంలో ఎండలు మండుతున్నాయి. దీంతో ప్రచారంలో పాల్గొన్న వారికి తీవ్ర ఇబ్బందులు ఎదురవుతున్నాయి. ఈ క్రమంలో శనివార జగిత్యాల జిల్లా రాయికల్ మండలం ఇటిక్యాలలో బీఆర్ఎస్ ఎమ్మెల్సీ కవిత ఎన్నికల ప్రచారం లో పాల్గొన్నారు. ఎండల ధాటికి ఒక్కసారిగా ప్రచార వాహనంలోనే ఆమె స్పృహ తప్పి పడిపోయారు. స్థానిక  అభ్యర్థి, ఎమ్మెల్యే సంజయ్ కుమార్ కు మద్దతుగా ఆమె ఈ ప్రచారంలో పాల్గొన్నారు. అయితే రోడ్ షో నిర్వహిస్తండగా, ఆమె కళ్లు తిరిగి పడిపోయారు. ఆ తర్వాత అక్కడే ఉన్న అభ్యర్థి సంజయ్ డాక్టర్ కావడంతో ఆమెకు వెంటనే ట్రీట్ మెంట్ చేశారు.

ప్రచార వాహనంలోనే ఎమ్మెల్సీ కవిత ఒక్కసారిగా పడిపోవడంతో శ్రేణులు ఒక్కసారిగా ఆందోళనకు గురయ్యారు. ఆమె ఆ తర్వాత కోల్చుకోవడంతో సొమ్మసిల్లి పడిపోయారు.  తీరిక లేకుండా ప్రచార సభల్లో పాల్గొనడం, ఉపవాసం లో ఉండడంతో ఆమె కొంత అలసటకు గురైనట్లు శ్రేణులు చెబుతున్నాయి.  అయితే కాసేపు విశ్రాంతి అనంతరం ఆమె తన ప్రచారాన్ని కొనసాగించినట్లు సమాచారం.