Meka Venkata Pratap : లోకేశ్, చంద్రబాబుపై మేకా సంచలన వ్యాఖ్యాలు.. ట్రిబుల్ ఐటీలో బాబు ఏం చేశారో విషయాలు చెప్పిన అప్పారావు

Meka Venkata Pratap

Meka Venkata Pratap : మేకా వెంకట ప్రతాప్ కు నూజివీడులో మంచి గ్రేజ్ ఉంది. గొప్ప నేతగా ఆయనను అక్కడి నియోజకవర్గం ప్రజలు ఆదరిస్తారు. మూడు సార్లు ఆయన నియోజకవర్గం బాధ్యతలు తీసుకోగా ఆయన కుటుంబ సభ్యుడు మేకా రంగయ్య అప్పారావు నాలుగు సార్లు వరుసగా విజయం సాధించారు. నూజివీడుకు దాదాపు 40 సంవత్సరాల వరకు వీరి కుటుంబం తమ సేవలను అందించింది.

నూజివీడులో పేదలకు భూ యాజమాన్య హక్కు పత్రాలను అందించేందుకు సీఎం ఈ రోజు (నవంబర్ 17) న వెళ్లారు. ఆయన రాక సందర్భంగా ఎమ్మెల్యే మేకా భారీ ఎత్తున బహిరంగ సభ ఏర్పాటు చేశాడు. ఆ సభలో ఆయన చంద్రబాబు, నారా లోకేశ్ గురించి సంచలన కామెంట్లు చేశాడు. టీడీపీ ప్రభుత్వం ఉండగా తనకు జరిగిన అవమానాన్ని ఆయన సభ ద్వారా ప్రజలకు వివరించారు.

నూజివీడుకు న్యాయం చేసిందంటే అప్పుడు కాంగ్రెస్, ఇప్పుడు వైసీపీనే అని మేకా అన్నారు. లోకేశ్ రాజకీయాలకు పనికిరావు అన్న ఆయన నూజివీడులో వ్యాపారం పెట్టుకుంటే జగనన్నతో మాట్లాడి స్థలం ఇప్పిస్తానని హామీ కూడా ఇస్తున్నానన్నారు. గతంలో కాంగ్రెస్ ప్రభుత్వం హయాంలో వైఎస్ రాజశేఖర్ రెడ్డి అడవి భూములకు అసైండ్ పట్టాలిచ్చారని చెప్పిన ఆయన చంద్రబాబు ఒక్క పట్టా కూడాఇవ్వలేదన్నారు.

చంద్రబాబు మూడు సార్లు నూజివీడుకు వస్తే ఇక్కడఉన్న IIIT లోపలికి వెళ్లి మూడు మొక్కలు మాత్రం నాటినట్లు చెప్పిన మేకా.. ఆ మొక్కలు ఎప్పుడో ఎండిపోయాయని ఎద్దేవా చేశారు. నూజివీడుకు ఏమైనా న్యాయం చేశారంటే అప్పుడు రాజశేఖర్ రెడ్డి, ఇప్పుడు జగనన్న మాత్రమే అని ఆయన అన్నారు.