Anushka-Ghaati : ఛాలెంజింగ్ స్క్రిప్ట్‌తో క్రిష్! క్రిమినల్ గా అనుష్క శెట్టి.. ‘ఘాటి’ స్టోరీ లైన్ ఇదే?
Anushka-Ghaati
Anushka-Ghaati : హీరోలతో సమానంగా హీరోయన్లకు స్టార్ డం రావడం అంటే చిన్న విషయం కాదు.. అలాంటి హీరోయిన్లు ఇండస్ట్రీలో తక్కువ మందే ఉన్నారు. అందులో ప్రజెంట్ జనరేషన్ లో మొదటి వరుసలో ఉన్న స్టార్ హీరోయిన్ అనుష్క శెట్టి. కానీ, ఇటీవల ఆమె కెరీర్ చాలా స్లోగా నడుస్తోంది. ‘మిస్ శెట్టి మిస్టర్ పోలిశెట్టి’తో గతేడాది ఫ్యాన్స్ ను పలకరించిన ఆమె ఇప్పుడు మలయాళంలో ఒక మూవీ చేస్తోంది.
అయితే, క్రిష్ జాగర్లమూడితో ఒక మూవీకి గ్రీన్ సిగ్నల్ ఇచ్చింది. ఈ మూవీకి సంబంధించి షూటింగ్ సెట్స్ పైకి కూడా వెళ్లింది. గతంలో వీళ్ల కాంబోలో ‘వేదం’ వచ్చింది. దీంతో ఇప్పుడు వీరికాంబోలో రాబోతున్న మూవీపై ఇండస్ట్రీలో అంచనాలు పెరుగుతున్నాయి.
క్రేజీ సబ్జెక్టుతో రాబోతున్న ఈ మూవీకి సంబంధించి హైదరాబాద్ లో ఒక సెట్ వేసి షూట్ చేస్తున్నారు. దీని తర్వాత ఒడిశా వెళ్లి కొన్ని సన్నివేశాలను చిత్రీకరించబోతున్నట్లు తెలుస్తోంది. ఈ మూవీకి సంబంధించి టైటిల్, మూవీ స్టోరీ లైన్ వివరాలు బయటకు వచ్చాయి.
ఈ సినిమాను ఆంధ్రా-ఒడిశా బార్డర్ లో జరిగిన ఒక యదార్థ సంఘటన ఆధారంగా తెరకెక్కించబోతున్నట్లు మేకర్స్ నుంచి లీకులు వచ్చాయి. అనుకోకుండా ఒక ఉచ్చులో చిక్కుకున్న యువతి జీవిత కథ అని.. శత్రువులను మట్టుబెట్టే క్రిమినల్ గా ఎందుకు మారిందన్నదే కథ అని సమాచారం.
అనుష్క శెట్టి ప్రధాన పాత్రలో క్రిష్ తెరకెక్కిస్తున్న ఈ మూవీకి ‘ఘాటి’ టైటిల్‌ను ఖరారు చేశారు. త్వరలో అధికారిక ప్రకటన రాబోతుందని తెలుస్తోంది. ‘ఘాటి’ అంటే తెలుగులో లోయ అనే అర్థం వస్తుంది. ఒక లోయ నేపథ్యంలోనే ఈ చిత్రం సాగుతుందన్న మాట. దీంతో ఈ మూవీపై అంచనాలు పెరిగిపోతూనే ఉన్నాయి.
ఇందులో విక్రమ్ ప్రభు హీరోగా చేస్తున్నాడు. ‘యూవీ క్రియేషన్స్’, ‘ఫస్ట్ ఫ్రేమ్ ఎంటర్‌టైన్‌మెంట్స్’ సంస్థలు సంయుక్తంగా ఘాటినీ నిర్మిస్తున్నాయి. కీరవాణి సంగీతాన్ని సమకూరుస్తున్నారు.