JR NTR : యంగ్ టైగర్ కు బంపర్ ఆఫర్.. వార్ 2 రిలీజ్‌కు ముందే!
JR NTR
JR NTR : యంగ్ టైగర్ జూనియర్ ఎన్టీఆర్ బాలీవుడ్ ఎంట్రీ గురించి ఎప్పటి నుంచో వార్తలు వస్తున్నాయి. అయితే కథల విషయంలోనే ప్రాజెక్టులు వెనక్కు వెళ్తున్నాయి. ఈ నేపథ్యంలో గెస్ట్ ఆర్టిస్ట్ గా మాత్రం వార్ 2తో బాలీవుడ్ లోకి ఎంట్రీ ఇస్తున్నాడు. ఈ సినిమాకు సంబంధించి ఓ వార్త ఫిలిం సర్కిల్ లో చక్కర్లు కొడుతోంది. వివరాల్లోకి వెళ్తే..
వార్2తో బాలీవుడ్ లోకి ఎంట్రీ ఇస్తున్నాడు యంగ్ టైగర్ ఎన్టీఆర్. ఈ సినిమాలో బాలీవుడ్ సూపర్ స్టార్ హృతిక్ రోషన్ హీరోగా చేస్తుండగా.. ఎన్టీఆర్ ఒక ముఖ్య పాత్ర పోషిస్తున్నారు. యష్ రాజ్ ఫిల్మ్స్ (YRF) స్పై యూనివర్స్లో భాగంగా ఈ మూవీ తెరకెక్కుతుంది. అయితే ఇందులో ఎన్టీఆర్ విలన్ గా కనిపించబోతున్నారట. స్పై యూనివర్స్‌కి ఎన్టీఆర్ థానోస్ మాదిరిగా డేంజరస్ విలన్ కాబోతున్నాడంటూ వార్తలు వినిపించాయి.
అయితే ఇప్పుడు మరో వార్త వినిపిస్తుంది. అదేంటంటే ఈ మూవీలో ఎన్టీఆర్ ‘రా ఏజెంట్’గా కనిపించబోతున్నారట. వార్2లో కేవలం గెస్ట్ ఆర్టిస్ట్ గా సర్‌ప్రైజ్ చేయనున్న యంగ్ టైగర్.. YRF స్పై యూనివర్స్లో ‘రా ఏజెంట్’ పాత్రలో ఫుల్ లెంగ్త్ ఉండబోతున్నారట.
ఇప్పటికే యష్ రాజ్ సంస్థకు ఎన్టీఆర్ సైన్ కూడా చేసేసినట్లు వారత్లు వినిపిస్తున్నాయి. ఇదంతా చూస్తుంటే.. ఎన్టీఆర్ తన బాలీవుడ్ ఎంట్రీని గట్టిగా ప్లాన్ చేసినట్లు తెలుస్తోంది. ఈ మూవీని త్వరలో ప్రకటించే అవకాశం ఉంది.
వార్2 షూటింగ్ స్టార్ట్ అయ్యింది. గతేడాది స్పెయిన్ లో ఎన్టీఆర్, హృతిక్ యాక్షన్ సీక్వెన్స్ షూట్ చేశారు. ఈ వారం నుంచి హృతిక్ రోషన్ షూటింగ్ లో పాల్గొనబోతున్నారు. తర్వాతి షెడ్యూల్ జపాన్‌లో జరగనుందట. అక్కడ షావోలిన్ టెంపుల్ నేపథ్యంలో యాక్షన్ సీక్వెన్స్ ప్లాన్ చేస్తున్నట్లు వినిపిస్తుంది. ఈ మూవీ షూటింగ్ సెట్స్ లోకి ఎన్టీఆర్ వచ్చే నెల (ఏప్రిల్)లో అడుగుపెట్టనున్నారట.
దేవర షూటింగ్ ఉన్న యంగ్ టైగర్.. ఏప్రిల్ లో వార్2 కోసం కొన్ని రోజులు కేటాయించినట్లు తెలుస్తోంది. ఈ చిత్రాన్ని బ్రహ్మాస్త్ర దర్శకుడు అయాన్ ముఖర్జీ తెరకెక్కిస్తున్నారు. కియారా అద్వానీ హీరోయిన్ గా నటిస్తుంటే.. జాన్ అబ్రహం, శార్వరి లీడ్ రోల్స్ లో కనిపించబోతున్నారు.