Modi Song on Chandrababu : చంద్రబాబుపై మోదీ సాంగ్.. నెట్టింటా వైరల్

Modi song on Chandrababu

Modi Song on Chandrababu : టీడీపీ అధినేత చంద్రబాబుపై విడుదలయ్యే పాటలు అందరినీ ఆకట్టుకుంటాయి. ఆ పార్టీ గీతాలు కూడా ఎంతో అద్బుతంగా ఉంటాయి. దీనిపై టీడీపీ లో ఓ ప్రత్యేక కమిటీ ఉంటుంది. ఈ పాటల రూపకల్పన పై వారు ప్రత్యేక శ్రద్ధ పెడుతుంటారు.  ప్రజల్లోకి చొచ్చుకెళ్లేలా, ప్రజలను ఆలోచింపజేసేలా ఈ గీతాల రూపకల్పనపై పార్టీ శ్రద్ధ పెడుతుంటుంది.

అయితే ఇటీవల వచ్చిన ఓ పాట కూడా టీడీపీ శ్రేణులను అమితంగా ఆకట్టుకుంటున్నది. ‘నాయకుడా.. నాయకుడా… మళ్లీ నువ్వే రావాలి.. నవ్యాంధ్ర సాధకుడా.. ’ అంటూ సాగే ఈ పాట ఏపీలో టీడీపీ నిర్వహించే ప్రతి సభల్లోనూ వినిపిస్తున్నది. అయితే తాజాగా ఈ పాటపై ఒక వీడియో సోషల్ మీడియాతో పాటు నెట్టింటా వైరల్ అవుతున్నది. ప్రధాని నరేంద్ర మోదీ గొంతుతో, ఆయన పాడినట్లుగా ఈ వీడియోను రూపొందించారు. ప్రస్తుతం ఈ వీడియో నెట్టింట వైరల్ అవుతున్నది.

నిజానికి నరేంద్ర మోదీ కంటే ముందే ముఖ్యమంత్రి అయిన వ్యక్తి చంద్రబాబు. జాతీయ రాజకీయాల్లో కూడా కీలకంగా వ్యవహరించారు. ఎన్డీఏ కూటమి అధికారంలో ఉండగా నాడు చైర్మన్ గా జాతీయ రాజకీయాలను ఒక దశలో శాసించిన వ్యక్తి చంద్రబాబు. ఒకనొక దశలో నరేంద్ర మోదీకి కూడా అపాయింట్ మెంట్ తిరస్కరించారని చెబుతుంటారు. నరేంద్ర మోదీ దేశానికి ప్రధాని అయ్యాక కూడా చంద్రబాబును ఎన్నో సార్లు గౌరవంగా సంబోంధించారు. అయితే రాజకీయాలు, పరిస్థితులు ఎప్పుడూ ఒకేలా ఉండవు. ఇప్పుడు అత్యంత గడ్డు పరిస్థితులను టీడీపీ అధినేత చంద్రబాబు ఎదుర్కొంటున్నారు. అయితే రానున్న నాలుగు నెలల కాలమే ఆయనకు కీలకం. ఏపీలో 2024 లో టీడీపీ నేతృత్వంలోని ప్రభుత్వం అధికారంలోకి వస్తేనే ఇక టీడీపీ బతికిపోతుంది. మరి ఏపీ ప్రజల మనసుల్లో ఏముందో తేలాలంటే ఆ నాలుగు నెలలు వేచి చూడాల్సిందే.