Drishyam Movie : హాలీవుడ్ జనాలకూ మన ‘దృశ్యం’ సస్పెన్స్ థ్రిల్లర్ మజా..

Drishyam Movie

Drishyam Movie : కొన్ని సినిమాల కథకు ప్రపంచంలో ఎక్కడైనా ఆదరణ దొరకుతుంది. వివిధ భాషలు, సంస్కృతులు, సంప్రదాయాలు, వివిధ వర్గాలు, వివిధ మనస్తత్వాలు..ఇలా ఎవరినైనా ఆ కథలు ఆకట్టుకుంటాయి. అలాంటి సినిమా కథే దృశ్యం. మలయాళ సూపర్ స్టార్ మోహన్ లాల్ హీరోగా జీతూ జోసెఫ్ డైరెక్షన్ లో తెరకెక్కి 2013లో ఆడియన్స్  ముందుకొచ్చిన సస్పెన్స్ థ్రిల్లర్ ‘దృశ్యం’. అక్కడ సూపర్ హిట్ అయ్యాక ఈ చిత్రాన్ని తమిళంలో కమల్ హాసన్, తెలుగులో వెంకటేశ్, హిందీలో అజయ్ దేవగన్ తో పాటు కన్నడ, కొరియా, జపాన్ భాషల్లోని స్టార్స్ కూడా ఈ సినిమాను రీమేక్ చేసి సూపర్ హిట్ కొట్టారు.

రిలీజైన ప్రతీ భాషలో హిట్ అందుకుంది ఈ సినిమా. 2021లో సీక్వెల్ ను కూడా రీమేక్ చేసి ఆయా భాషల హీరోలు హిట్ సాధించారు. ప్రస్తుతం మూడో పార్ట్ వస్తే దానిని రీమేక్ చేసేందుకు సిద్ధంగా ఉన్నారు మేకర్స్. ఇక ఈ చిత్రాన్ని హాలీవుడ్ లో కూడా తీసేందుకు ఓ నిర్మాణ సంస్థ ముందుకొచ్చింది. ఈ సినిమాను ఇంగ్లిష్, స్పానిష్ భాషల్లో రీమేక్ చేయబోతున్నట్లు ప్రకటించింది.

హాలీవుడ్ గల్ఫ్ స్ట్రీమ్ పిక్చర్స్ నిర్మాణ సంస్థ మరో ప్రొడక్షన్ కంపెనీతో కలిసి. ఈ దృశ్యం సినిమాలను హాలీవుడ్ ఆడియన్స్ కు కూడా చూపించేందుకు సిద్ధం చేస్తున్నారు. ఈ క్రమంలోనే ఆల్రెడీ అంతర్జాతీయ రీమేక్ హక్కులను కూడా ఆ హాలీవుడ్ నిర్మాణ సంస్థ సొంతం చేసుకుంది. ఇక రీమేక్ తో దృశ్యం సినిమా హాలీవుడ్ లో రీమేక్ అవుతున్న తొలి భారతీయ చిత్రంగా నిలువబోతోంది.